አብዮታዊ ዴሞክራሲ ልጆቿን እየበላች ነውን!? ....በአቤ ቶክቻው

ይህ ጨዋታ ለዚህ ሳምንት ፍትህ ጋዜጣ የተላከ ነበር። ነገር ግን ፍትህ አሁንም በሀገሪቱ እንድትኖር ሰዎቻችን አልፈቀዱም። በፍርድ ቤት የታዘዘው ብርሃንና ሰላም ማተሚያ ቤት “መጀመሪያ ሌላ ቦታ አሳትሙና በሚቀጥለው ሳምንት እኔ አትምላችኋለው” ብሎ መልስ ሰጠ ሲባል ሰማሁኝ። ይሄ በጣም አስቂኝ ነው…! ሌላ ማተሚያ ቤት እኮ የለም። አንድ ቦሌ ማተሚያ ቤት ነበረ እርሱም ደንበኛችን ስላልሆናችሁ አናትምላችሁም ብሏል። ወደየት እየተገፋን እንደሆነ እግዜር ይወቀው!

እስቲ ለማንኛውም ወጋችን ይጀምር…ሰላም ወዳጄ እንዴት ሰነበቱልኝ? ፍትህ ጋዜጣ በፍትህ ችግር ታግታ ሰነበተችና ተጠፋፋን አይደል!? ጉልቤው ብርሃንና ሰላም ማተሚያ ቤት ያለ ምንም ህጋዊ አግባብ የእናንተን ጋዜጣ አላትምም ብሎ ደጅ ሲያስጠናን ቆይቶ ይኸው ዛሬ “የተከበረው” ፍርድ ተቆጥቶልን ለመገናኘት በቅተናል።

በገርጂ የኃይል ማስተላለፊያ የሚገኝ ትራንስፎርመር በድንገት ፈነዳ

•    የፍንዳታው ምክንያት በመመርመር ላይ ነው

ባለፈው ዓርብ ከምሽቱ አራት ሰዓት ገደማ ገርጂ መብራት ኃይል አካባቢ የሚገኘው ወረገኑ የኤሌክትሪክ ማስተላለፊያ ጣቢያ ውስጥ ከሚገኙት ትራንስፎርመሮች አንዱ፣ ባልታወቀ ምክንያት ፈንድቶ መቃጠሉንና የፍንዳታው መንስዔ በመጣራት ላይ መሆኑ ተገለጸ፡፡ ፍንዳታው በደረሰበት ሰዓት የኦሊምፒክ የሴቶች 5,000 ሜትር የሩጫ ውድድርን ለማየት በጉጉት በመጠበቅ ላይ በነበሩት የአካባቢ ነዋሪዎች ላይ ከፍተኛ ድንጋጤ የፈጠረ ሲሆን፣ ፍንዳታውን ተከትሎም በጣቢያው የነበሩ የኢትዮጵያ ኤሌክትሪክ ኃይል ኮርፖሬሽን ሠራተኞች በአካባቢው ያሉ ነዋሪዎች ከቤታቸው ወጥተው እንዲቆዩ ማስጠንቀቂያ መስጠታቸው ታውቋል፡፡

የፍንዳታው መንስዔ በመጣራት ላይ መሆኑን የኮርፖሬሽኑ የሕዝብ ግንኙነት ኃላፊ አቶ ምስክር ነጋሽ ገልጸዋል፡፡ ትራንስፎርመሩ ያረጀ በመሆኑ ከኃይል ጭነት ብዛት፣ ከማርጀት ጋር ወይም ከተፈጥሮ ጋር የተያያዘ መሆኑን ለማጣራት የኮርፖሬሽኑ ባለሙያዎች በምርመራ ላይ እንደሚገኙና ውጤቱም በዛሬው ዕለት እንደሚታወቅ አብራርተዋል፡፡

በምግብ እጥረት ለተጎዱ ዜጎች ዕርዳታ ሊጠየቅ ነው

በዓመቱ አጋማሽ ላይ በተከሰተው የበልግ ዝናብ አለመኖር ምክንያት የምግብ እጥረት ላጋጠማቸው በሚሊዮን ለሚቆጠሩ ዜጎች የሚያስፈልገው የዕርዳታ ምግብና ቁሳቁስ  መጠን፣ በዚህ ሳምንት መጀመሪያ ለለጋሾች ይፋ ይደረጋል፡፡ ከየካቲት እስከ ግንቦት ወር 2004 ዓ.ም. ባለው ጊዜ በልግ አብቃይ የሆኑ አካባቢዎች በኤልኒኖ ክስተት ምክንያት የዝናብ እጥረት ስላጋጠማቸው የምግብ ችግር ተፈጥሯል፡፡

የበልግ የዝናብ እጥረት ገጥሞቸው የበልግ ሰብሎችን ማብቀል ያልቻሉት  የኦሮሚያ፣ የደቡብና የሶማሊያ ክልሎች  አንዳንድ አካባቢዎች ናቸው፡፡ የተለያዩ የመረጃ ምንጮች እንደሚገልጹት፣ በደቡብ ክልል ብቻ በክስተቱ በ80 ወረዳዎች ከፍተኛ የምግብ እጥረት ተከስቷል፡፡ በአጠቃላይ ይፋ ይሆናል ተብሎ የሚጠበቀው የምግብ መጠን ከካቻምናው ይጨምራል እንጂ አያንስም የሚሉት ለጉዳዩ ቅርበት ያላቸው ናቸው፡፡

የኢትዮጵያ አየር መንገድ ትርፍ በ40 በመቶ ቀነሰ

የኢትዮጵያ አየር መንገድ በተጠናቀቀው በጀት ዓመት ያተፈረው ትርፍ ካለፈው ዓመት ጋር ሲነፃፀር በ40 በመቶ ቀነሰ፡፡ የኢትዮጵያ አየር መንገድ ዋና ሥራ አስፈጻሚ አቶ ተወልደ ገብረ ማርያም የድሪምላይነር አውሮፕላንን መምጣት አስመልክቶ ከትናንት በስቲያ በቢሮአቸው በሰጡት ጋዜጣዊ መግለጫ፣ እ.ኤ.አ በ2011/2012 የበጀት ዓመት አየር መንገዱ የተጣራ 730 ሚሊዮን ብር እንዳተረፈ ተናግረዋል፡፡ አየር መንገዱ እ.ኤ.አ በ2010/2011 በጀት ዓመት ያገኘው የተጣራ ትርፍ 1.23 ቢሊዮን ብር የነበረ ሲሆን፣ ይህ በተጠናቀቀው በጀት ዓመት ከተገኘው ትርፍ በ500 ሚሊዮን ብር ይበልጣል፡፡

ባንኮች የውጭ ምንዛሪ መስጠት አዳግቷቸዋል

ከውጭ ምንዛሪ ክምችት እጥረት ጋር በተያያዘ በአገሪቱ ውሰጥ የሚንቀሳቀሱ የንግድ ባንኮች የውጭ ምንዛሪ ለሚፈልጉ ኩባንያዎች ሌተር ኦፍ ክሬዲት (L/C) መክፈት እንዳልቻሉ ታወቀ፡፡ በተለይ የአገሪቱ ትልቁ የንግድ ባንክ የሆነው የኢትዮጵያ ንግድ ባንክ ለደንበኞቹ ሌተር ኦፍ ክሬዲት መክፈት ሲያቆም፣ ባንኩ እዚህ ውሳኔ ላይ የደረሰው የአገሪቱ የሦስት ወራት የውጪ ንግድ ከመቀነሱ ጋር በተያያዘ ነው የሚል መልስ እየሰጠ መሆኑን ምንጮች ገልጸዋል፡፡ ሁሉም የንግድ ባንኮች ካለፉት ሁለት ወራት ወዲህ የፈለጉትን ያህል የውጭ ምንዛሪ ከብሔራዊ ባንክ ባለማግኘታቸው፣ ለደንበኞቻቸው ሊከፍቱ የሚገባቸውን ሌተር ኦፍ ክሬዲት መክፈት አልቻሉም፡፡ በሁሉም ባንኮች በርካታ ደንበኞች አገልግሎቱን ለማግኘት ወረፋ በመጠባበቅ ላይ ናቸው፡፡

በተለይ ካለፉት አራት ሳምንታት ወዲህ ደግሞ ከኢትዮጵያ ብሔራዊ ባንክ ይገዙት የነበረው የውጭ ምንዛሪ ሙሉ ለሙሉ በመቋረጡ፣ በግል ከዓለም አቀፍ ባንኪንግ ዲፓርትመንቶቻቸው በኩል ከሐዋላ የሚያገኙትን የውጭ ምንዛሪ ገቢ፣ አንገብጋቢ ለተባሉ ግዥዎች ብቻ ሌተር ኦፍ ክሬዲት ለመክፈት መገደዳቸውን ለማወቅ ተችሏል፡፡

መንግሥታዊው የኢትዮጵያ ንግድ ባንክም በአሁኑ ጊዜ ሌተር ኦፍ ክሬዲት የሚከፍተው ለነዳጅ፣ ለመድኃኒትና ለመሳሰሉት ቅድሚያ ይሰጣቸው ለተባሉ ምርቶች ግዥ ብቻ እንደሆነም ተጠቁሟል፡፡

ላለፉት ጥቂት ወራት በአገሪቱ ውስጥ የሚገኙ የንግድ ባንኮች በውጭ ምንዛሪ እጥረት በጣም የተጎዱበት ወቅት እንደነበር የሚያስታውሱት የንግድ ባንክ ባለሙያዎች፣ በተለይ እጥረቱ በግል ባንኮች ላይ ከፍተኛ ተፅዕኖ እያሳደረ እንደሚገኝ ጠቁመዋል፡፡

ብሔራዊ ባንክ የውጭ ምንዛሪ ሽያጩን ቢያቋርጥም ለባንኮች ምክንያቱን ያልገለጸ መሆኑን ምንጮች አስታውቀው፣ ባንኮችም ለውጥ ካለ በማለት በየቀኑ ለብሔራዊ ባንክ ጥያቄ እያቀረቡ መሆናቸውን አስረድተዋል፡፡

የውጭ ምንዛሪ እጥረት መኖሩ ሊገለጽልን ይገባ የነበረው ችግሩ አሳሳቢ ደረጃ ላይ ከመድረሱ በፊት መሆን አልነበረበትም የሚሉ በንግድ ሥራ ላይ የተሰማሩ አስተያየት ሰጪዎች፣ እጥረቱ በምን ምክንያት እንደተከሰተ እንኳን አለማወቃቸውንም ይጠቁማሉ፡፡

ዋናው ጉዳይ ግን የብሔራዊ ባንክ ዕርምጃ የአገሪቱ የውጭ ምንዛሪ ክምችት እጅግ አነስተኛና አሳሳቢ ደረጃ ላይ መድረሱን የሚያሳይ ነው የሚሉ የባንክ ባለሙያዎች አሉ፡፡

አሁን ለተከሰተው የውጭ ምንዛሪ እጥረት ዋነኛ መንስኤ ሊሆን የሚችለው ከፍተኛ የውጭ ምንዛሪ በሕገወጥ መንገድ ከአገሪቱ በመውጣቱ እንደሆነ የሚገልጹ የፋይናንስ ባለሙያዎች፣ በዚህ ወቅት ብሔራዊ ባንክ የውጭ ምንዛሪ ሽያጩን ማቆሙም ትክክል ነው ይላሉ፡፡ እንደ ምክንያት የሚያቀርቡትም የውጭ ምንዛሪ ክምችት ካነሰ የባሰ ደረጃ ላይ ሳይደርስ መቆጣጠር ስላለበት ነው የሚለውን ነው፡፡

ሌላው አሁን ለተፈጠረው የውጭ ምንዛሪ እጥረት መንስኤ የሆነው ኤክስፖርተሮች ከትክክለኛው የገበያ ዋጋ በተለየ የወጪ ንግድን ዋጋ ማሳነስ (Under Invoicing) አንዱ ሲሆን፣ ሁለተኛው ደግሞ አስመጪዎች የገቢ ንግድ ዋጋን ከፍ በማድረግ (Over Invoicing) ከማድረግ ጋር የተያዘ ሊሆን ይችላልም ይላሉ፡፡

ተሻሽሎ በወጣው የኢትዮጵያ ብሔራዊ ባንክ አዋጅ ውስጥ እንደተጠቆመው፣ ዓለም አቀፍ የመጠባበቂያ ገንዘብ ከሚያስፈልገው መጠን ያነሰ እንደሆነ ወይም ሊያንስ እንደሚችል የብሔራዊ ባንክ ገዥው ካመነበት አስፈላጊ ናቸው የሚላቸውን ዕርምጃዎች ሊወስድ ይችላል፡፡

ከዚህም በተጨማሪ የመጠባበቂያ ገንዘቡ በቂነት የመቀነስ አዝማሚያ እያሳየ መሆኑን ሲገነዘብ የመጠባበቂያ ገንዘቡን ይዞታ፣ ለችግሩ መንስኤ የሆኑትን ወይም ሊሆኑ የሚችሉትን ምክንያቶችና ሁኔታዎችን ለማሻሻል አስፈላጊ የመሰለውን የመፍትሔ ዕርምጃ የያዘ የውሳኔ ሐሳብ ለባንኩ የዳይሬክተሮች ቦርድ ሪፖርት ማቅረብ እንደሚኖርበትም ይደነግጋል፡፡

ችግሩ እየተባባሰ መሄዱን ከተገነዘበ የብሔራዊ ባንክ ገዥው የውጭ ምንዛሪ ፈቃድ እንዳይሰጥ ሊያግድ የሚችል ሥልጣን ጭምር ስላለው፣ ከቅርብ ጊዜ ወዲህ የውጭ ምንዛሪ ላይ ጠበቅ ያለ ዕርምጃ እየወሰደ ያለው ችግሩን ለማቃለል ታስቦ ነው ሲሉ ባለሙያዎች ይገልጻሉ፡፡

ሆኖም አሁን የታየው የውጭ ምንዛሪ እጥረት በዚሁ ከቀጠለ ምናልባት አዳዲስ ዕርምጃዎች ሊወሰዱ ይችላሉ የሚል ግምት አለ፡፡ ከእነዚህ ውስጥም የብር ምንዛሪ ለውጥ አንዱ ሊሆን ይችላል፡፡ ከወራት በፊት ብሔራዊ ባንክ ባቀረበው የዘጠኝ ወራት የሥራ ሪፖርቱ በቂ ዓለም አቀፍ መጠባበቂያ ገንዘብ መኖሩን ገልጾ እንደነበር ይታወሳል፡

በደሴ ከተማ ሙስሊሞች ከፌደራል ፖሊስ ጋር ተጋጩ

Add captio

ኢሳት ዜና:-የጁመኣን ሶላት ጸሎት ለማድረስ ዛሬ በደሴ አረብገንዳ የተሰባሰቡ ሙስሊሞች ከፖሊስ ጋር ሲጋጩ ውለዋል።

ነሀሴ ፬ (አራት) ቀን ፳፻፬ ዓ/ም

በደሴና አካባቢዋ የሚገኙ ሙስሊሞች አረብገንዳ እየተባለ በሚጠራው አካባቢ በሚገኘው መስጊድ ለመስገድ በሚሰባሰቡበት ወቅት፣ በስፍራው ሲጠባበቁ የነበሩ የፌደራል ፖሊስ አባላት በመስጊዱ ጸሎት ማድረስ አይቻልም በማለት መከልከላቸውን ተከትሎ ነው ችግሩ የተፈጠረው።

ፖሊሶቹ ” ሁላችሁም በአካባቢያችሁ በሚገኙ መስጊዶች መስገድ ትችላላችሁ፣ ወደ ዚህ ቦታ የምትመጡት ግን ሌላ የፖለቲካ አጀንዳ ለማራመድ ነው በማለት” ሲያስታዉቁ፣ ሙስሊሞች በበኩላቸው ” ብላችሁ ብላችሁ የምንሰግድበትን መስጊድ እናንተው ትመርጡልን ጀመር” በማለት ውዝግቡ ተጀምሯል። 

ፖሊሶቹ በምእመኑ ላይ እርምጃ መውሰድ ሲጀምሩ፣ ምእመኑም በፖሊሶች ላይ ድንጋይ በመወርወር የአጸፋ እርምጃ ወስዳል።

በዚሁ ውዝግብ ከ5 ያላነሱ ፖሊሶች ሲቆስሉ ከምእመኑ ምን ያክል ሰዎች እንደተጎዱ ለማወቅ አልተቻለም። ይሁን እንጅ በርካታ ወጣቶች በፖሊስ መኪኖች ተጭነው ተወስደወዋል፣ ጉዳት የደረሰባቸውም በርካታ መሆናቸው ታውቋል።

ዘገባውን እስካጠናከርንበት ጊዜ ድረስ ፖሊሶች መንገዶችን በማጠር በአካባቢው የሚዘዋወረውን ሙስሊም ሁሉ እየያዙ በማሰር ላይ ናቸው።

በርካታ የንግድ ድርጅቶች የተዘጉ ሲሆን፣ በከተማውም ከፍተኛ ውጥረት ነግሷል።

በአዲስ አበባም ቁጥሩ ከ 500 ሺ እስከ 800 ሺ የሚጠጋ ህዝብ ዛሬ በአንዋር መስኪድ ተካሂዷል። መሪዎቹ እንዲፈቱም በድምጽ ጠይቋል።

በጅማ ፣ በሻሸመኔ ሶስት መሲኪዶች  እንዲሁ ከፍተኛ ተቃውሞ ተደርጓል።

የፌዴራል ፖሊስ ኮሚሽነሩ ወርቅነህ ገበየሁ ከሁለት ቀናት በፊት ፦ “ህብረተሰቡ ተረባርቦ ይሄንን ተቃውሞ የማያስቆም ከሆነ፤ የከፋ ነገር ይመጣል!” በማለት ማስጠንቀቃቸውን ይታወሳል።